ನೀರೆ

ಕಾಯಿಸಿದೆ, ಕಂಗೆಡಿಸಿದೆ,
ಕೊನೆಗೂ ಒಲಿದು ಬಂದೆ,

ಮುಡಿಯಿಂದ ಅಡಿವರೆಗೂ,
ತೋಯಿಸಿ ನೀ ಬಂದೆ,

ಝರಿಯಾಗಿ, ತೊರೆಯಾಗಿ,
ಅರಿದು ನೀ ಬಂದೆ.

ಹಸಿರಾಗಿ, ಚಿಗುರೆಲೆಯಾಗಿ,

ಎಲೆ ತುದಿಯ ಇಬ್ಬನಿಯಾಗಿ,

ನೀ ಮನತುಂಬಿದೆ,

 ಪುಟಿದು ಕುಣಿವ ಜಿಂಕೆಯ,

ಸಂತಸವಾಗಿ ನೀ ಬಂದೆ,

ಗರಿಗೆದರಿದ ನವಿಲ,

ಸೌಂದರ್ಯದಲಿ ನೀ ಕಂಡೆ.

ಮಣ್ಣ ಮನವ ಮುಟ್ಟಿ,

ಘಮವಾಗಿ ನೀ ಸುಳಿದೆ,

ಬಿಸಿಲ ಬೇಗೆಯ ನೀಗಿ,

ಧರೆಯ ಕೊಳೆಯ ತೊಳೆಯಲು,

ನೀ ಸುರಿದೆ.

ಜಗದ ನಗುವಾಗಿ ನೀ ಬಂದೆ,

ಓ ವರ್ಷದಾರೆ,

ಮುಂಗಾರಿನ ಮುನ್ನುಡಿಯಾಗಿ,

ನೀ ಬಂದೆ.